Gården Øyrehagen er en liten gård i fredelige omgivelser et stykke oppe i fjellet over Sogndalsfjorden. I mange generasjoner har de som har bodd her strevd med sine daglige gjerninger, for det meste i fred og ro. En god og fredelig plass å bo.
Gården var i mange år en husmannsplass under storgården Øyre, og bosettingen kan følges tilbake til slutten av 1700- tallet da den første husmann er registrert på gården.

En del av historien til gården kan vi lese i boka [«Heimbygdi vår» Sogndal, Årbok VI 1935, utgjevi av Sogndals Sogelag].

Boka tar for seg alle gårdene i Norane, men her gjengir jeg bare det som står skrevet om Øyrahagen.

Øyrahagen. Nr. 68,9 og 21. Skyld 1,16 mk.+0,06 mk.

"Øyrahagen er grannegarden til Skolt på utsida. Den skranglute vegen frå Bondeviki og Skardsbø¸ svingar ut under Skolt og stryk no vest gjenom lidi som gardsveg for dei mange bruki i grendi. Eigedomen Øyrahagen når ned til denne vegen. Skrida 1873 tok fjøs og løda. So bytte dei tun og bygde á nyo lenger inne og nede.

Slegti som no råder garden kom til tuns med Anders Johannesson Ambladalen f. 1798 g. 1826 med Anna Olsdotter Hove f. 1798. Han flutte med kona og born frå Løype til Øyrahagen 1852. Der hadde plasmannen Jens Person døytt 1830. Anders svara kor til enkja i mange år.

Anders og Anna fekk desse borni:

Johannes Andersson, lærar og klokkar i Vennebygdi Gudbrandsdalen, d. Drøbak.
F. 1831. Durdei Andersdotter gm. Ola Larsson Mannsverk 1858.
F. 1834. Kari Andersdotter gm. Ola Halldorson fjøra 1859.
F. 1840. Lukris Andersdotter d. 16 dag.
F. 1843. Olina Andersdotter gm. Ola Nilsson Timberled 1868.
Anders Johannesson d. 1885.
Anna Olsdotter d. 1883.

Ettermannen på plassen, mágen Ola Larsson Mannsverk, var av heimsta Øvretunætti, faren innflutt frå Husabø.

1883 kaupte Ola eigedomen og fekk skøyta for 1200 kr. Dette bruket vart nr. 9. 1897 kaupte dei bruk nr. 21 for 500 kr. hjå Lars Larsson Fjøra.

Borni heiter:

F. 1858. Berta Olsdotter gm. Karl Johan Larsson Øyre 1881. Amerika.
F. 1860. Anna Olsdotter gm. Torbjørn Torbjørnson Tingastad, Skardsbø 1889.
F. 1864. Lars Olson gm. Anna Kristina Endredotter Fjøra 1889.
F. 1868. Anders Olson d. 1 1/2 mnd.

Ola Larsson d. 1911. Durdei Andersdotter d. 1915. Sonen Lars Olson tok imot 1911. Skøyta 400 kr.

Born :

F. 1890. Dorte Larsdotter gm. Karl Tomasson Øyre 1906.
F. 1894. Ola Larson, ug.
F. 1901. Emilia Larsdotter gm. Adolf Andersson Fimreite 1922.

Det stend stova, stabbur og flor i tunet. Til merkjes med Brekkeflaten på utsida ligg Valbúgen, til merkjes med Skolt på innsida ligg Geilarne, og i det moldrike hallet uppe under bergi Stakksengi. Bjønnstigen fører upp På bruni. Garden føder 6-7 naut, 20 sauer, dei avlar 30 tn. potetor og litt korn.
Ein åker heiter Gunnhild-ákeren. Der stod stova hennar Gunnhild, den gamle korkona til Anders Johannesson. Ho var f. 1805 På Grindaplassen og gifte seg til Øyrahagen med Jens Person Hjelmasete 1824. Gunnhild gjekk til skrida 1873."

Skrida i Øyrahagen 8. december 1873.

"Fyrst eit snøkast, so regn. So eit tungt snøkast på nytt, og atter regn, og marki låg tái, men gjenombløytt. Klokka var millom 12 og 1 um natti då ulukka hende.

I dette fæle veret ottast flest alle ilt i Øyrahagarne. Ho Ingebjørg ute på Grindaplassen sa at det var best dei flutte inn til systeri, ho Gunnhild på gamleplassen i Øyrahagen. So drog dei, men då dei kom til grovi um kvelden, måtte dei snu for flaumen, dei kom ikkje yver. Det vart bergingi deira.

Skrida losna uppi moldbakkarne i Stakksengi. Ho tok fyrst den vesle stova på Gunnhildplassen og alle folki. Lenger nede rauk uthusi i Øyrahagen, og beisti. Skrida snerte so vidt burt i stova, men nedum vegen nådde ho ut på Myldeplassen og kvelvde Myldestova so kjerringi sidan laut krjupa ut under svidli. Skrida skrapa på svad og gjekk til sjøss millom Rognaldshagen og Bondeviki.

4 menneskje gjekk til på Gunnhildplassen i Øyrahagen:

F. 1805. Gunnhild Perdotter, enk. etter Jens Person.
F. 1840. Son deira, husmann Jens Jensson.
F. 1824. Kona hans, Anna Hermunddotter f. Ylvisákr.
F. 1866. Son deira Jens Jensson.

Mange folk arbeidde og leita i fleire dagar etterpå. Guten fann dei straks, han låg på utsida av skridefaret. Faren grov dei fram lenger nede, straks innum Myldestova, han hadde ein sokk på foten. Ei av dei avlidne kvinnorne fann dei langt nede, men liket var ukjenneleg.

Etterpå tok ei nemnd takst, og noko av skaden på plassarne vart godtgjort av eit skridefond.

Alle husdyri i Øyrahagen strauk med, og stor var skaden på jordi. Gyrma hadde jarva ned mykje av Øyrahagen, fortalde han Torkjell Brekkeflaten, han var med og grov."